അത്‌ലിഷർ ബ്രാൻഡ് കാവ (cava) ബോളിവുഡ് താരം ഖുശി കപൂറിനെ ബ്രാൻഡ് അംബാസഡറായി പ്രഖ്യാപിച്ചു. ഇന്ത്യയിലുടനീളം ബ്രാൻഡ് സാന്നിധ്യം വ്യാപിപ്പിക്കുന്നതിന്റെ ഭാഗമായി നിരവധി ക്യാമ്പയിനുകൾ ആസൂത്രണം ചെയ്തിട്ടുണ്ട്.

ചലനം, സ്റ്റൈൽ, ദൈനംദിന സൗകര്യം എന്നിവയിൽ ശ്രദ്ധ കേന്ദ്രീകരിച്ചുകൊണ്ട് ഈ അത്‌ലീഷർ ലേബലും നടിയും ഒന്നിക്കുകയാണ്.

'അഡാപ്റ്റീവ് അത്‌ലീഷർ' (Adaptive Athleisure) എന്ന ആശയത്തിൽ അധിഷ്ഠിതമായി, വർക്ക്ഔട്ടുകൾ, ജോലിസ്ഥലങ്ങൾ, യാത്രകൾ, ദൈനംദിന ഉപയോഗം എന്നിങ്ങനെ ദിവസത്തിലെ വിവിധ സമയങ്ങളിൽ ധരിക്കാൻ ഇണങ്ങുന്ന വസ്ത്രങ്ങളാണ് കാവ രൂപകൽപ്പന ചെയ്യുന്നത്. വൈവിധ്യമാർന്ന വാർഡ്രോബ് ഓപ്ഷനുകൾ തേടുന്ന ഉപഭോക്താക്കൾക്കായി ഫങ്ഷണാലിറ്റിയും സമകാലിക ഡിസൈനും സംയോജിപ്പിച്ച വസ്ത്രങ്ങൾ നിർമ്മിക്കുന്നതിലാണ് ബ്രാൻഡ് ശ്രദ്ധ കേന്ദ്രീകരിക്കുന്നത്.

ആത്മവിശ്വാസം, സൗകര്യം, വൈവിധ്യമാർന്ന ശൈലി എന്നിവ തന്റെ വ്യക്തിഗത ശൈലിയിലൂടെ പ്രകടമാക്കുന്ന വ്യക്തിയെന്ന നിലയിലാണ് ഖുശി കപൂർ ബ്രാൻഡുമായി കൈകോർക്കുന്നത്. യാത്ര ചെയ്യുമ്പോഴോ ജോലി ചെയ്യുമ്പോഴോ സജീവമായ ജീവിതശൈലി നയിക്കുമ്പോഴോ ആകട്ടെ, അവരുടെ വസ്ത്രധാരണ രീതി വ്യത്യസ്ത അവസരങ്ങൾക്കും ദിനചര്യകൾക്കുമായി രൂപകൽപ്പന ചെയ്തിട്ടുള്ള ഈ ബ്രാൻഡിന്റെ കാഴ്ചപ്പാടുമായി ഒത്തുപോകുന്നു. പ്രശസ്ത നടി ശ്രീദേവിയുടെയും ബോണി കപൂറിൻ്റെയും മകളാണ് ഖുശി. നടി ജാൻവി കപൂർ സഹോദരിയാണ്.

“സ്വാഭാവികമായി സംഭവിക്കുന്ന കൂട്ടുകെട്ടുകളാണ് ഏറ്റവും മികച്ചതെന്ന് ഞാൻ എപ്പോഴും വിശ്വസിക്കുന്നു, കാവയുമായുള്ള ബന്ധവും എനിക്ക് അങ്ങനെയാണ് അനുഭവപ്പെട്ടത്. ഫാഷൻ എപ്പോഴും എന്റെ ജീവിതത്തിന്റെ ഒരു പ്രധാന ഭാഗമാണ്, എന്നാൽ ഞാൻ ധരിക്കുന്ന വസ്ത്രങ്ങളിൽ സൗകര്യവും ആത്മവിശ്വാസവും അനുഭവപ്പെടുക എന്നതും തുല്യ പ്രാധാന്യമുള്ള കാര്യമാണ്. കാവ ഈ രണ്ട് കാര്യങ്ങളും ഒരുമിച്ച് കൊണ്ടുവരുന്നു എന്നത് എനിക്ക് വളരെ ഇഷ്ടമാണ്. ഞാൻ യാത്ര ചെയ്യുമ്പോഴോ ജോലി ചെയ്യുമ്പോഴോ ജിമ്മിൽ പോകുമ്പോഴോ ആകട്ടെ, ഈ വസ്ത്രങ്ങൾ ധരിക്കാൻ വളരെ എളുപ്പമുള്ളതും എന്നാൽ മികച്ച ലുക്ക് നൽകുന്നതുമാണ്. ഇത് എന്റെ വസ്ത്രധാരണ രീതിയുമായി പൂർണ്ണമായി യോജിക്കുന്നു. കാവ കുടുംബത്തിലേക്ക് ചേരുന്നതിലും ഞങ്ങൾ ഒന്നിച്ച് ചെയ്യാൻ പോകുന്ന കാര്യങ്ങളിലും എനിക്ക് വലിയ സന്തോഷമുണ്ട്," നടി പറഞ്ഞു.

കാവയെ സംബന്ധിച്ചിടത്തോളം, തങ്ങളുടെ മൂല്യങ്ങളുമായും ഐഡന്റിറ്റിയുമായും ഒത്തുപോകുന്ന വ്യക്തികളുമായി സഹകരിക്കുന്നതിനുള്ള ബ്രാൻഡിന്റെ സമീപനമാണ് ഈ പങ്കാളിത്തം വ്യക്തമാക്കുന്നത്- കാവ സഹസ്ഥാപക റിയ മിത്തൽ പറഞ്ഞു.

“ഫാഷനും ഫങ്ഷണാലിറ്റിയും ഒരുമിച്ച് പോകണമെന്ന ആശയത്തിലാണ് കാവ എപ്പോഴും പ്രവർത്തിച്ചിട്ടുള്ളത്. ഖുശി ആ ബാലൻസ് കൃത്യമായി ഉൾക്കൊള്ളുന്നു- കാവ സഹസ്ഥാപക ശ്രേയ മിത്തൽ പറഞ്ഞു.