ഹോണ്ടയുടെ ഇലക്ട്രിക് SUV

ഹോണ്ടയുടെ ഇലക്ട്രിക് SUV - Honda Alpha

By Automotive Desk

03-11-2026 | Mumbai

ഹോണ്ട ഇന്ത്യയിൽ നിർമ്മിക്കുന്ന ആദ്യത്തെ ഗ്ലോബൽ ഇലക്ട്രിക് SUV:

'ഹോണ്ട ആൽഫ' (Honda ALPHA)

ഹോണ്ട കാർസ് ഇന്ത്യ ലിമിറ്റഡ് (HCIL) തങ്ങളുടെ പുതിയ ഇലക്ട്രിക് SUV-യുടെ പേര് പ്രഖ്യാപിച്ചു- 'ഹോണ്ട ആൽഫ' (Honda ALPHA). ഇന്ത്യയിലെ ഇലക്ട്രിക് മൊബിലിറ്റിയിലേക്കുള്ള കമ്പനിയുടെ യാത്രയിലെ ഒരു പ്രധാന നാഴികക്കല്ലാണിത്. ഗ്രീക്ക് അക്ഷരമാലയിലെ ആദ്യ അക്ഷരത്തിൽ നിന്ന് പ്രചോദനം ഉൾക്കൊണ്ട് നൽകിയ 'ഹോണ്ട ആൽഫ' എന്ന പേര്, ഹോണ്ടയുടെ യാത്രയിലെ പുതിയ തുടക്കത്തെയാണ് സൂചിപ്പിക്കുന്നത്. കമ്പനി ഇന്ത്യയിൽ നിർമ്മിച്ച് പുറത്തിറക്കുന്ന ആദ്യ ഇലക്ട്രിക് SUV ഡിസംബർ 2-ന് ഈ വാഹനം ആഗോളതലത്തിൽ അരങ്ങേറ്റം കുറിക്കും.

'ഹോണ്ടയുടെ ഗുണനിലവാരം, വിശ്വസനീയത, ഡ്രൈവിംഗ് സുഖം എന്നിവ നൽകുന്നതോടൊപ്പം തന്നെ ഇന്ത്യയിലെ ഞങ്ങളുടെ ഉപഭോക്താക്കൾക്ക് അത്യാധുനിക ഇലക്ട്രിക് മൊബിലിറ്റി എത്തിക്കുക എന്ന ഞങ്ങളുടെ ലക്ഷ്യത്തെയാണ് ഹോണ്ട ആൽഫ പ്രതിനിധീകരിക്കുന്നത്. ഈ മോഡലിന്റെ ആഗോള ഉൽപ്പാദന കേന്ദ്രമായി ഇന്ത്യ പ്രവർത്തിക്കും. ഇത് ഹോണ്ടയുടെ വൈദ്യുതീകരണ (electrification) യാത്രയിലെ പ്രധാനപ്പെട്ടൊരു ചുവടുവയ്പ്പാണ്-"ഹോണ്ട കാർസ് ഇന്ത്യ പ്രസിഡന്റും സി.ഇ.ഒ.യുമായ ശ്രീ. തോഷിയുകി യാനാഗിസാവ (Toshiyuki Yanagisawa) പറഞ്ഞു.

'ജപ്പാൻ മൊബിലിറ്റി ഷോ 2025'-ൽ ഒരു കൺസെപ്റ്റ് പ്രോട്ടോടൈപ്പായി ആദ്യം പ്രദർശിപ്പിച്ച 'ഹോണ്ട ആൽഫ', അത്യാധുനിക സാങ്കേതികവിദ്യ, ഭാവിയിലേക്ക് ഉതകുന്ന മനോഹരമായ ഡിസൈൻ, മികച്ച ഡ്രൈവിംഗ് അനുഭവം എന്നിവ സമന്വയിപ്പിക്കുന്ന ഒരു പുതിയ തലമുറ ഇലക്ട്രിക് മൊബിലിറ്റിയാണ് വാഗ്ദാനം ചെയ്യുന്നത്. നഗരപ്രദേശങ്ങളിലും ഗ്രാമീണ പാതകളിലും ഒരുപോലെ ഉപയോഗിക്കാൻ അനുയോജ്യമായ രീതിയിലാണ് ഈ SUV വികസിപ്പിച്ചിരിക്കുന്നത്. ഹോണ്ട ആൽഫ ആദ്യമായി അവതരിപ്പിക്കുന്ന വിപണി ഇന്ത്യയായിരിക്കും.

ഹോണ്ടയുടെ പുതിയ 'H Mark' ലോഗോ

പുതിയ 'H mark' ലോഗോ ഉപയോഗിക്കുന്ന ഇന്ത്യയിലെ ആദ്യത്തെ ഹോണ്ട മോഡലായിരിക്കും 'ഹോണ്ട ആൽഫ'.

1963-ൽ ഹോണ്ട "H" ചിഹ്നമായി ആദ്യമായി സ്വീകരിച്ചതിനുശേഷം, വർഷങ്ങളായി നിരവധി ഡിസൈൻ മാറ്റങ്ങൾക്ക് വിധേയമായിട്ടുണ്ട്.

Honda in India

ഹോണ്ട കാർസ് ഇന്ത്യ ലിമിറ്റഡ് (HCIL), 1995 ഡിസംബറിലാണ് സ്ഥാപിതമായത്. ഉത്തരപ്രദേശിലെ ഗ്രേറ്റർ നോയിഡയിലാണ് HCIL-ന്റെ കോർപ്പറേറ്റ് ഓഫീസ് . രാജസ്ഥാനിലെ അൽവാർ ജില്ലയിലുള്ള തപുകരയിലാണ് കമ്പനിയുടെ അത്യാധുനിക ഉൽപ്പാദന കേന്ദ്രം. ഹോണ്ട അമേസ് (Honda Amaze), ഹോണ്ട സിറ്റി (Honda City), ഹോണ്ട എലവേറ്റ് (Honda Elevate) എന്നിവയാണ് പ്രധാന മോഡലുകൾ. ആഗോള SUV മോഡലായ ഹോണ്ട ZR-V, ജപ്പാനിൽനിന്ന് നേരിട്ട് ഇറക്കുമതി ചെയ്താണ് (CBU) വിൽക്കുന്നത്. മോടിയുള്ള നിർമ്മാണം, വിശ്വസനീയത, സുരക്ഷ, മികച്ച ഇന്ധനക്ഷമത എന്നിവയ്ക്ക് പുറമെ ആകർഷകമായ ഡിസൈൻ, സാങ്കേതികവിദ്യ, മികച്ച ഡ്രൈവിംഗ് അനുഭവം എന്നിവയ്ക്കും ഹോണ്ട മോഡലുകൾ പ്രശസ്തമാണ്. രാജ്യത്തുടനീളം ശക്തമായ വിപണന-വിതരണ ശൃംഖല കമ്പനിക്കുണ്ട്.